← Full visning

Støttar vidare drift av Flekke skule – også nærskulen for Guddal

Guddal grendalag · 19. oktober 2026

Høyringsuttale – Skulestruktur i Fjaler kommune

Frå: Guddal Grendalag
Dato: 19.10.2026

Innleiing

Guddal Grendalag takkar for høvet til å gje innspel i høyringa om framtidig skulestruktur i Fjaler kommune. Vi ønskjer å uttrykkje ei tydeleg og samla støtte til å vidareføre Flekke skule som ein del av den kommunale skulestrukturen. Grendalaget stiller seg ikkje bak forslaget om nedlegging.

1. Betydninga av Flekke skule for lokalsamfunnet

Flekke skule er ein grunnpilar i den lokale identiteten og samfunnsstrukturen. Skulen fungerer som:

Ei nedlegging vil svekkje livskrafta i bygdene rundt Flekke og redusere attraktiviteten for unge familiar som vurderer å busetje seg i kommunen.

1.1 Flekke skule er også nærskulen til Guddal

For innbyggjarane i Guddal er Flekke skule den naturlege nærskulen. Skulen har gjennom mange år vore ein viktig del av kvardagen for barn og familiar i bygda, og han bidreg til å knyte saman lokalsamfunna i området. Ei nedlegging av Flekke skule vil difor ikkje berre råke Flekke, men også Guddal og andre område som høyrer til skulekrinsen.

For Guddal er det viktig at borna får gå på ein skule som ligg nær heimstaden, med rimeleg reiseveg og sterk tilknyting til lokalmiljøet. Flekke skule er ein sentral del av dette. Som grendalag ser vi det som avgjerande at tilbodet blir oppretthalde for å sikre gode oppvekstvilkår og framtidig busetnad i bygda vår.

2. Konsekvensar for elevar og familiar

Ei nedlegging vil medføre:

Dette er forhold som direkte påverkar både læringsmiljø, tryggleik og kvardagsliv.

Flekke skule er meir enn ein skulebygning. Han er ein berebjelke for lokalsamfunnet, framtida og identiteten til både Flekke og Guddal. Ei vidareføring av skulen er avgjerande for å sikre gode oppvekstvilkår, levande bygder og ei positiv utvikling i heile området.

På vegner av styret i Guddal Grendalag

Rune Dingsøyr
Nest leiar, Guddal Grendalag

Teksten er renset og formatert etter PDF-en. PDF-en er originalen.